पूर्वि पाल्पाको रमणीय भूमि साविबको रामपुर गा.वि.स को वडा नं. ४, हाल रामपुर नगरपालिका वडा नं. ५ बेझाड बजार नजिक यस विद्यालय अवस्थित छ । वि.स. २०२५ साल भन्दा अगाडी पूर्वि पाल्पा लगायत स्याङ्जाको दक्षिणी भाग, तनहुँको दक्षिण–पश्चिम तथा नवलपरासीको उत्तरी भागका गा.वि.स हरुमा माध्यमिक स्तरको शिक्षा दिने विद्यालय नभएको र यहाँ र यस वरपर का शिक्षाप्रेमी, समाजसेवी, राजनीतिकर्मी, सर्वसाधारणहरुको प्रयास बाट रामतुलसी उच्च मा.वि. स्थापना भएको हो । तत्कालिन अवस्थामा धेरै गा.वि.स हरुका विद्यार्थीहरुको माध्यमिक स्तरको शिक्षा दिने एकमात्र विद्यालय भएकोले हाइस्कूल भनेर चिनिन्थ्यो र अझ सम्म पनि हाइस्कूल भनेर चिनिन्छ । वि.स. २०२७ सालमा पहिलो पटक एस.एल.सी. मा समावेश भएको विद्यालय हो । वि.स. २०३१ साल मा सबैको श्रम पसिना बटुलेर १४ कोठे भवन बन्यो वि.स. २०३३ सालमा विद्यालयको नाममा ११९ रोपनी जग्गा नापी भयो २०३१ सालदेखि कृषि व्यवसायिक विषय राखी सञ्चालन भयो । २०६० सालदेखि कृषि विषय हटाई शिक्षा विषय समावेश गरीयो । वि.स. २०६४ साल देखि शिक्षा तथा मानविकी विषयमा, २०६५ साल देखी व्यवस्थापन र विज्ञान संकाय समेत उच्च माध्यमिक शिक्षा परिषद्बाट सम्बन्धन प्राप्त गरी उच्च मा.वि. सञ्चालनमा आएको हो । २०४७ साल देखि एस.एल.सी. परीक्षा केन्द्र र रामपुर श्रोतकेन्द्रको श्रोत विद्यालयको रुपमा रहेको छ । वि.सं. २०७० देखि ऋत्भ्ख्त् बाट सम्बन्धन प्राप्त वि.सं. २०७१ बाट डिप्लनोमा इन एग्रीकल्चर (बाली विज्ञान) समेत सञ्चालनमा छ ।

• २०२५ सालमा रुखमुनी चौतारीमा कक्षा संचालन गरि बिद्यालयको सुरुवात
• खेल मैदानको रुपमा रहेको टार बिद्यालयको नाममा दर्ता
• २०२६ मा माध्यामिक स्तरको १ शिक्षक दरबन्दी र बिद्यालय संचालन स्वीकृति
• २०२७ मा ७ जना विद्यार्थीले एस.एल.सी. परिक्षा दिएकोमा १ जना उतिर्ण हुन् सफल

श्री बालकृष्ण लम्साल

प्रधानाध्यापक

सुभकामना संदेश

पबित्र धाम मुक्तिनाथबाट प्रारम्भ भई प्रबाह हुने पबित्र कालीगण्डकी नदी सिंचित यस कालीगण्डकी उपत्यकाको केन्द्र भागमा त्रेत्रा युगका मर्यादा पुरुषोत्तम भगवान श्री रामचन्द्र तथा पवित्रताकी प्रतिमूर्ति निजकी असल अर्धांगिनी सीताले विचरण गरी पवित्र भएको यस पुण्यभूमि रामपुर साँचैको स्वर्गको टुक्रा जस्तो सुन्दर छ l आजभन्दा ५० बर्ष पहिले बि.सं. २०२५ मा यस कालीनदी बेसीकै पहिलो माध्यामिक विद्यालयको रुपमा श्री रामतुलासी माध्यामिक विद्यालय स्थापना भै यस क्षेत्रमा उज्यालो प्रकास छर्दै आई रहेको छ l ५० बर्ष पार गरि ५१ औ बर्षमा प्रवेश गर्दा सम्ममा त्यस बिद्यालय जिल्लाकै धेरै बिद्यार्थी संख्या भएको, भौतिक साधान र श्रोत सुसम्पन्न रही नेपाली र अंग्रेजी माध्यममा कक्षा १० सम्म, कक्षा ११ ३ १२ मा शिक्षा बिज्ञान, शिक्षा, बिज्ञान, ब्यबस्थापन, मानविकीका साथै प्राविधिक धार तर्फ ३ बर्षे कृषि वाली बिज्ञान बिषयको पठनपाठन गराउंदै नेपालकै नमुना विद्यालयको छनौट चरणमा प्रवेश गर्न सफल भएको छ l

मिति: 2019-03-05